#戒奶嘴分享
很值得記錄的一個里程碑！
Bella由初出生一星期已經係奶嘴B，到最近半年雖然日頭唔使食奶嘴，但每次訓覺都一定要扭個奶嘴黎食先訓得著，半夜如果甩左就一定喊醒一定要搵返，到而家就快21個月大都戒唔甩😣
原本我以為幫佢戒奶嘴非常困難，好多媽媽分享過戒奶嘴方法，要佢自己親手掉垃圾桶、剪爛比佢食、搽d苦嘅味落奶嘴到，我以為我都一定會用到其中一兩個方法，不過上星期無心插柳下，Bella竟然一戒成功。
平時佢唔食飯唔沖涼唔珍惜之際，我都會比非洲D可憐小孩BB相佢睇，話佢知人地好慘想食都無飯食，無野玩無衫著無涼沖，無爸媽，要佢珍惜現在擁有，其實每次佢睇完都會有點沉默，也看得出會替人難過，然後會乖乖聽話。有一晚佢又擔住個奶嘴，我就開一張非洲BB嘅相佢睇，問佢送奶嘴比BB食好無？！佢即刻遞個奶嘴話好，仲好開心咁！
第一晚展轉難眠，但總算最後自己講野講到攰訓左，第二朝我同佢講，話非洲BB打電話比媽媽，話好開心你送左奶嘴比佢食，佢多謝你，佢即時好開心😂，之後我問佢你仲食唔食返奶嘴，佢話唔食，問非洲BB拎返奶嘴好無，佢話唔好😁，就係咁，佢戒奶嘴成功左，而家久不久都會講：非洲BB、開心🤣🤣
不過我叫佢比心愛嘅熊貓公仔比非洲BB，佢話唔得🙄😪
#育兒路上好多估你唔到 #戒奶嘴里程碑 #小Bella #20M17D
Search